影片
更多
2011-12-29
68 瀏覽
是日晚飯想食早一點，見呢間人龍店未有人排隊，就一於入黎試試。店都貼左唔少報紙既介紹，人龍都多得呢D報導唔少。想食的係蛋包飯，要個鰻魚餡，另一個原先想要海膽，不過賣哂，六點半左右已經賣哂，真係講你都唔信，店員介紹個墨汁蛋包飯，聽落都唔錯，就要個墨汁蛋包飯。蛋包飯以外，另點了兩款小食試試，一款係雞腎，燒得乾身，係太過乾身。另一款係芝士雞翼，雞翼皮粉粉的，不過雞肉幾嫩身，就幾不錯，芝士尚算濃郁，未算好滯溜。到主角蛋包飯，先黎係鰻魚餡的，幾大包的，平時日式西餐廳食到的蛋包飯較為細份，唔多夠飽，這裡的應該唔會有呢個問題。鰻魚蛋包飯配上的係茄汁，挺開胃，蛋確係滑，不過蛋香就欠奉。入面的鰻魚炒飯，味道正正常常，不過就未算太特別。到我的墨汁蛋包飯，賣相黑色一大舊，好似塊黑布咁。墨汁味濃郁，當然沒有什麼蛋味，不過蛋既滑依然存在，感覺幾特別的。汁方面，店員建議配上忌廉汁，墨汁本身都幾溜下，配埋忌廉汁就真係溜上溜，都幾滯胃下。飯係海鮮飯，料夠多係賣點，飯就濕濕地唔會太乾身。墨汁蛋包飯，確係幾特別的一款。店員主動介紹食物，小店就有這個好處。價位唔係平野，午餐水準應該唔會太走樣，應該相對抵食一點。串燒只係小試左
蛋包飯以外，另點了兩款小食試試，一款係雞腎，燒得乾身，係太過乾身。另一款係芝士雞翼，雞翼皮粉粉的，不過雞肉幾嫩身，就幾不錯，芝士尚算濃郁，未算好滯溜。
到主角蛋包飯，先黎係鰻魚餡的，幾大包的，平時日式西餐廳食到的蛋包飯較為細份，唔多夠飽，這裡的應該唔會有呢個問題。鰻魚蛋包飯配上的係茄汁，挺開胃，蛋確係滑，不過蛋香就欠奉。入面的鰻魚炒飯，味道正正常常，不過就未算太特別。
到我的墨汁蛋包飯，賣相黑色一大舊，好似塊黑布咁。墨汁味濃郁，當然沒有什麼蛋味，不過蛋既滑依然存在，感覺幾特別的。汁方面，店員建議配上忌廉汁，墨汁本身都幾溜下，配埋忌廉汁就真係溜上溜，都幾滯胃下。飯係海鮮飯，料夠多係賣點，飯就濕濕地唔會太乾身。墨汁蛋包飯，確係幾特別的一款。
店員主動介紹食物，小店就有這個好處。價位唔係平野，午餐水準應該唔會太走樣，應該相對抵食一點。串燒只係小試左雞腎，不過就好一般，蛋包飯好食算不上，中規中矩吧，不過墨汁包就真係幾有特色，係可以試試的小店。
張貼
