Picoso

營業中

休息中

墨式香炸雞翼 蜜糖汁 雞翼大大隻，唔係嗰啲發育不良嘅雞翼😂雖然係炸嘢，但係都鎖住咗個肉汁，嫌佢唔夠味嘅，仲可以落啲蜜糖添。芝士焗招牌玉米薄脆 咁難得嚟到梗係要叫啲招牌la，玉米片配埋啲蕃茄粒，牛油果醬呢個組合，係出奇地夾！白色嗰啲醬汁應該係酸忌廉，食落唔知點解好開胃😆香炸洋蔥圈配他他醬 炸到金黃色，聞落仲要好香，食落勁脆，麻麻哋鍾意食洋蔥，但係呢個我都忍唔住食咗好多🤫墨西哥燒雞 嘩嘩嘩 係原隻燒雞上！仲有啲玉米片同粟米做伴碟，切開隻雞之後啲肉汁流晒出嚟 啖啖肉arrrr。