Tequila Jack's (已改名) 查看

Happy Friday 所以要去尖咀happy下! 呢間係朋友推介就試下。坐低大概7點，叫住個芝士粟米片同酒飲住先。個粟米片好脆，芝士好香，少少辣，同cocktail係絕配。因為朋友話呢間的cocktail隨便叫一個都好飲，所以就試左一個芒果同士多啤梨味，唔記得咩名。好飲，好似沙冰但有酒香。一路飲一路傾，之後肚餓叫左個炭燒牛扒，唔係好貴，百幾蚊，都有粟米片跟。個牛扒5成熟，好多汁，薯條好好食，份量好夠。好多人都係度睇下波，傾下計，好relax。