REFLECT Restaurant & Bar

十分欣賞餐廳的設計，門口位有鏡面玻璃反射餐廳名，一入餐廳就見到明亮型格的bar 枱。另外有室外天台梳發坐位，牆上面有一整幅藝術壁畫，坐係度食野真係好relax享受。餐廳主打墨西哥傳統料理，另外有fusion菜色同自家制雞尾酒。🌯辣肉餡捲餅(雞肉)問左職員呢個菜色同墨西哥烤肉的分別, 職員超有耐性同細心解釋。兩者都係有玉米餅皮，不過呢個捲餅就係將所有材料捲埋一齊焗，食起嚟方便d。用鐵鍋上枱，超級熱辣辣。有雞肉，牛油果醬，莎莎醬，酸忌廉同大量芝士。口感豐富好惹味。🥩肉眼牛扒肉眼扒厚身大塊，叫左五成熟，肉質剛剛好係鮮嫩的粉紅色，肉味好濃幾淋身。配菜仲有大啡菇，粗薯條, 原個蒜頭，沙律菜。整體感覺好高質。🍖串燒拚盤豬肉同雞肉各3串，好香孜然味，有肉汁吾會鞋👍🏻👍🏻🌟🌟總括嚟講，三款食物都好滿意。另外好欣賞職員的態度，好有熱誠同耐性去介紹/解答問題👍🏻👍🏻