YOLO Cafe & Bar (已結業)

今日下午去旺角新世紀廣場逛下，日日喺屋企長時間工作，感覺都係要出嚟伸伸腳。當決定了夜晚會買咩外賣之後，離開旺角東地鐵站5分鐘，有間新開嘅Yolo Cafe。門牌以綠色做底襯上白色，Lunch Menu好似幾豐富，有沙律或湯，加上意粉，意大利飯既options。中午時間都有啲人氣，好在仲有最後一張枱可以安排，唔使等位。裝修用石屎灰加上一支支暖色光管襯托。廚房旁邊有圓拱型既門通去另一個area ，估計係一個飲Cocktail，draught beer嘅地方。墨西哥nachos 鋪滿芝士同肉碎，入口脆脆的。cabonara意大利粉可以轉年糕，考慮咗一陣決定意粉。意粉配上少量煙肉幾啱口味，唔會太咸。意粉好煙韌，冇5分鐘就食晒。