源味甜品小食 (已結業)

不幸地心情壞到一個點，肚餓，但食唔落。自知咁樣唔得，就搵D甜野安慰下自己。平時有諗過晏晝黎呢間，可惜三點半先開，要返工完全無可能黎食到，於是宜家咁啱有機會啦。嗌左麥米粥，都幾大碗。胃口唔好慢慢食，食左好耐。明明地方淺窄，食左好耐阿姐都無趕我。其實仲好親民。知道呢度咖哩魚蛋豬皮好出名，順便嗌埋。一小碗份量唔多過下口癮剛剛好。魚蛋豬皮都好入味，咖哩味香辣，超正。唔會淨食麥米粥得一隻味咁寡咁單調。隔離枱食大碗涼粉撈，真係超大碗，好抵食。我食呢兩樣都只係廿四蚊，真係抵到爛，心情即刻好番少少。