郁香園牛丸麵 (已搬遷) 新店位置

以前啲手打牛丸同牛筋丸最好食，雲吞都唔錯，其他就麻麻喇 ~ 但依家同以前比真係差天共地，家陣係劣評。湯底啖到無味，以前唯一好食既手打丸都變左普通貨色，又貴又唔好食又污糟 ﹗係咪轉左手呢？今日居然仲要比我預到啲咁既事，好好好唔衞生呀 ﹗士別三日、刮目相看 ~ Black list，以後唔會再黎 ~黑椒牛筋丸麵走蔥，湯底啖到近乎無味，依間舖頭枱上面係唔會提供豉油的，要向店員索取。咁費事問佢地攞，唯有勁落無味辣油同醋搭救。牛丸已唔係以前彈牙手打靚貨，好似變得普通，同其他麵檔差不多。蠔油生菜，烚得略為過火，變黃變老，不爽不嫰。