中間道酒吧

營業中

休息中

又係陪老婆大人嘆下午茶嘅日子！不過呢次九龍酒店嘅下午茶主題係我鍾意嘅士多啤梨，加埋係中西合璧所以都食得好享受。好似第一次食下午茶有中式點心食！呢個粉紅松露素菜餃個色就夠晒搶眼，食落去都好鬼正因為入面全部都係啲菇菇，加埋黑松露嗰陣味就更加香口好食嘞。咸點仲有燉鮑魚伴金箔、沙律醬蝦多士、流沙紫薯煎堆仔、法式蟹肉鵝肝包同埋法式慢煮龍蝦酥盒，大大件同埋味道都幾啱我心水認真唔錯喎。呢度個英式鬆餅真係大到一個點仲有提子乾添！同埋佢用嘅唔係平時白色嘅奶油而係草莓忌廉口味即刻特別咗。甜品又係大大件真係抵食到呢！野草莓凍湯、士多啤梨拿破崙、士多啤梨綠茶卷、金箔草莓意大利奶凍同埋馬卡龍全部都有士多啤梨，我就特別鍾意做得好香脆嘅拿破崙，我覺得唔係芒果換咗士多啤梨一樣咁吸引。呢份士多啤梨熱香餅都做得幾鬆軟好味㗎最後嘆埋杯靚茶爽晒！想食呢個下午茶記得去酒店e shop訂位同俾錢有七五折㗎。