小王牛肉麵 (已結業)

約朋友食飯，兩個女人仔簡單食完就可即去shopping! 諗黎諗去要近沙田市中心又想食嘅餐廳，我同老友一致揀呢間。星期五七點半去到，已經要等位了。大約等十分鐘到，都可以接受嘅。入到舖頭，枱與枱之間可以話係零距離。不過預左快食快走。再加上人咁多，隔音又做得麻麻，所以都唔會想坐耐的。老友鍾意佢嘅牛肉麵，而我就念念不忘佢杯士多啤梨綠茶。牛肉麵真係幾好，熱辣辣上枱，牛肉有兩三件，忟得好入味，又夠稔，至於湯底呢，濃郁但清新，可能佢加左大量芹菜所以咁香，份量就少左d.不過一般女仔食就剛剛好。士多啤梨寧桃茶，大量新鮮士多啤梨，好好飲，香港食店真係好少有士多啤梨的水果茶！如果有，記得留言話聲我知！