一漁外賣壽司 (已結業)

頌富商場街市嘅小食店真係好多選擇。菜檔隔離嘅一漁刺身丼飯看似好唔錯，睇左一輪menu買左壽司外賣返屋企食。10件壽司盛A ($90)有帶子、花之戀、三文魚、甜蝦、呑拿魚等。帶子和甜蝦都好鮮甜，魚類肥美，壽司飯握得穩實，整體新鮮，性價比高。另外買了兩盒熟的壽司俾小朋友。魚柳卷 ($30)紫菜飯包裹住蛋、青瓜、蟹柳、炸魚柳，入口都幾大份，魚柳炸過表皮香口。炸軟殼蟹卷 ($50)蛋黃沙律醬上舖滿蟹子，醬料已好好送飯。軟殼蟹香口酥脆，味道很好。