影片
更多
2018-11-27
356 瀏覽
近日我聽得最多就係有人會問我:「夠唔夠食，食飽未呢？」 每次嚟銅鑼灣「鮨川 Sushikawa」食Omakase 由廚師發辦都一樣，有30多年經驗老到廚師，不停問我夠唔夠食，會唔會係我個樣真係好食得下啦～哈哈，不過食得是福，而且仲食咁高質日本料理，食多d omega-3魚油可保持青春美麗。 “鮨川”在銅鑼灣渣甸街66樓17樓，即係我哋排隊食黑糖珍珠同一條街，剛11月20號正式新開業大概七天，餐廳已有熟客嚟食足3天，仲要不是香港人，是韓國人，真係識食，好厲害呀。究竟佢哋嘅廚師發辦程序又會係點呢?我叫嗰個餐以壽司為主，次序係首先有3款前菜，再來6款壽司，之後1款燒物，再來餘下6款的壽司，慢慢一道一道由廚師安排，味道由淺入深，由軟綿綿到結實爽口，非常有層次感。前菜擺設得好精緻，有魚肝、明太子(扮西瓜有得意呀)同清酒雞肉。壽司頭6款就有(希望冇記錯名啦，有時真係好冇咁專業，款款刺身海鮮都會認識，盡記啦～錯了勿打，求改正)1) 左口魚 - 未食先聞到柚子香，入口香甜。2) 深海池魚 - 鮮甜爽口，魚味很重。3) 赤貝 - 上碟時郁架，超新鮮，爽甜可口。4) 石垣鯛 - 魚味開始濃，加埋柚子的清香
究竟佢哋嘅廚師發辦程序又會係點呢?
我叫嗰個餐以壽司為主，次序係首先有3款前菜，再來6款壽司，之後1款燒物，再來餘下6款的壽司，慢慢一道一道由廚師安排，味道由淺入深，由軟綿綿到結實爽口，非常有層次感。
前菜擺設得好精緻，有魚肝、明太子(扮西瓜有得意呀)同清酒雞肉。
壽司頭6款就有(希望冇記錯名啦，有時真係好冇咁專業，款款刺身海鮮都會認識，盡記啦～錯了勿打，求改正)
1) 左口魚 - 未食先聞到柚子香，入口香甜。
2) 深海池魚 - 鮮甜爽口，魚味很重。
3) 赤貝 - 上碟時郁架，超新鮮，爽甜可口。
4) 石垣鯛 - 魚味開始濃，加埋柚子的清香，清甜交集。
5) 池魚 - 蔥味很香，魚好滑溜，質地可以爽彈。
6) 白蝦 - 好鮮甜，師傅就加上蝦殼，即時令到口感豐富，脆軟合璧。
燒物有吞拿魚下顎( 即係下巴啦)，不得不大讚，燒到熱辛辣辣上檯，職員多加吩咐一定要食魚皮，咩事呀魚皮燒到咁硬點食呀～當我拆開一半時，我聽到很脆的聲響，似薯條嘅脆聲，咬第一口時，魚皮是脆卜卜，魚油及魚肉連繫在一起，一口裡有脆魚皮，滑魚肉同juicy 嘅魚油。
天呀～真。係。好。正。呀～
P.S. 師傅同講我，呢碟燒下顎用心製作， 鑽研良久，先掌握花約25分鐘才做到如此效果，老實講我覺得似食緊剛燒起的乳豬咁，好唔似魚囉～
再來餘下的壽司更精彩，似煙花匯演，鮮甜魚油四處散發。
7) 海膽 - 超新鮮，冇腥味，甜到不得了。
8) 北海道帶子 - 甜，好甜，好新鮮。
9) 牡丹蝦 - 爽甜彈牙，加埋蝦殼，鹹甜混合，你勝出了。
10) 吞拿魚 - 滑溜非常， 好似跣入口咁呀，好正。
11) 喜之次(北海道石班魚)- 質地更硬身，爽口甜香。
12) 赤鯥 - 從來食過，但魚味濃烈，香甜。
13) 拖羅 - 正到我隔離檯忠實擁躉都要再 encore。
14) 鯖魚 - 平時是重口味鯖魚，魚腥哋極濃，經師傅秘製處理後，竟然不腥，反而更帶出魚的香味，好勁呀～
15) 左口魚邊 - 肥美肉滑，口感豐富，油而不膩。
再來一個熱的魚豆腐湯，魚味充沛，很清甜不腥，沒有重薑味，好暖胃。
最後甜品是日本甜柿，超級圓滿，十分好食，我會掛念你的。
張貼
