海 (已結業)

犯左整壽司最低級的錯誤，有成條鐵線係個壽司入邊。事情經過：訂枱大約1:30，要等到2:15先有得食。足足等咗45分鐘。一開始就同左女侍應講話唔食鰻魚。之後個師傅問我哋係咪所有嘢都OK，我哋以為佢問緊我哋坐咗咁耐，啲茶所有嘢係咪所有嘢都OK. 之後先發現原來個女侍應冇同佢講我哋唔食鰻魚。所以佢上咗鰻魚壽司比我食。然後有條2CM鐵線係鰻魚壽司入邊。好彩冇界損個口，同埋冇吞落肚界損個喉嚨。我俾咗$1000食廚師發辦，點知廚師請我食鐵線。高級餐廳來講呢一個係致命嘅錯誤。仲要冇賠償冇額外送壽司冇平啲俾我哋。其他壽司還算平均水準，但因為整個事件令到成餐飯我只可以比到一個字 失望。