日和号壽司料理 (已結業)

🔹日和号壽司料理🔹Megabox🔹壽司店🔹去Megabox睇Ice Hockey比賽，睇完被「半額壽司」燒到，決定去食壽司大餐！係Megabox 10樓位置，以火車🚄設計，有闊落卡位～見到「半額」壽司，就即刻去試試，食到好似放題咁☺️刺身好新鮮～ 我地叫左三文魚腩、赤身吞拿魚、帶子同埋油甘魚！三文魚腩超厚切，啖啖魚香！赤身吞拿魚有少少筋，但同樣厚切大大塊！油甘魚真係我最中意食嘅白身魚🫶🏻 好好食！而帶子都好滑溜，入口即溶！另外好食嘅都有火炙左口魚邊，火炙柚子胡椒帆立貝，同埋火炙三文魚！一碟有兩件，我同朋友都大滿足，火炙完嘅左口魚都係入口即溶，魚油香好香～柚子胡椒醬帆立貝都好出色，柚子同檸檬做點綴，好好味！我同朋友亦都有叫北寄貝、八爪魚、海膽軍艦壽司、三文魚籽壽司、劍魚腩壽司！份份都唔錯！劍魚腩都係厚切，好抵食🫶🏻 花之戀大大舊都好懷念～我地亦叫左章魚小丸子過下口癮，熱辣辣，又有八爪魚粒粒，加上和風醬料同紫菜，perfect！當然仲有飲品啦，我地叫左洛神花蜜同柚子蜜☺️咁樣嘅大餐（真係好似食到放題咁）～每人都係大概300蚊，果然半價完都幾抵食！個人真係好推介個刺身同火炙壽司系列！日和号壽司料