寿司造 (莊士敦道) (已結業)

最近疫情嚴重，都唔敢周圍去，但咁為食嘅我就周圍搵啲高質嘅美食外賣，我最鍾意就係食日本嘢，喺灣仔見到一間壽司點嘅外賣鋪頭，俾佢嘅門面吸引咗，佢嘅裝修有日本嘅風格，簡約美。入到去鋪頭見到有林林總總嘅壽司🍣，睇到我眼花撩亂。😻😻啲店員同我哋講刺身係由日本魚市場運到黎香港，師傅就會按照時令揀選當造既魚，聽落好高質！最近灣仔呢一間分店有三款限定嘅鮮魚熟成壽司，佢係有日本豐州直接運送到香港，分別有藍鰭吞拿魚、島池魚、鰤魚。熟成嘅壽司係可以令到魚肉更加向後同埋嫩滑。👏🏻👏🏻🎏咁我當然一定要試吓啲期間限定啦，我揀咗一款：柚子漁師三味卷，佢有四件，顏色幾鮮艷奪目，係三款時令魚製作而成，以佢嘅外層就用米紙包住，幾有新意，如果用紫菜包住嘅話外賣就會好容易變軟，用米紙嘅話就可以健康又唔會有變質嘅問題，柚子可以去除油膩感，提升魚嘅鮮味。☺️🍣另外我仲叫咗特選壽司12件同埋雜錦壽司10件，特選壽司就有我鍾意食嘅海膽、吞拿魚、油甘魚、帆立貝等等，選擇種類非常多！鮮味十足🥰🥰雜錦壽司方便我就揀多咗一啲熟嘅壽司，咁就咩口味都可以食晒啦！價錢非常抵，用呢一個價錢食到呢個質素嘅壽司相當唔錯啊！