頑固壽司 (已結業)

最鍾意食日本嘢，而且好鍾意食刺身、壽司。K11呢間壽司新開，見網上好多人講，一於嚟試試。餐牌壽司種類好多，而且都幾特別。除咗餐牌散叫，原來仲有廚師發板可供選擇。第一次食當然試試散叫先啦。我就叫咗炙燒壽司拼盤5件：帶子幾好食，夠大隻；三文魚一咬有魚油，夠肥美。壽司有火炙香。另外，仲散叫咗生赤貝，呢個如果再大件啲就好喇。炙燒黑喉魚，好特別！第一次食呢隻魚。平目魚椒樹芽味道幾清新、蔥花碎拖羅軍艦都幾吸引。