立鮨 (安富大廈) (已結業)

今次約左朋友去食立鮨，lee間分店比較特別，有得坐既立食壽司店。可以舒舒服服嘆壽司🍣。太多款式，有選擇困難，所以先揀左個盛合拼盤「海之幸盛合」同大滿足海膽特盛，刺激下味蕾先🤣海之幸盛合 $ 152有5款壽司：北海道帶子壽司，珍寶甜蝦壽司，北海道活象拔蚌壽司，海膽壽司，牡丹蝦壽司北海道帶子壽司：帶子厚身大隻，嫩滑肥美。珍寶甜蝦壽司：估唔到甘大隻，啖啖肉又鮮甜。牡丹蝦壽司：又係大隻，新鮮甜美，太好味，唔夠喉，所以我都再追加珍寶牡丹蝦刺身 （$88）😂。大滿足海膽特盛 $98海膽不嬲都係我至愛，新鮮濃郁。三文魚籽軍艦 $20魚份量多到瀉哂出黎，粒粒晶瑩通透，鮮甜鹹香特上地金目鯛壽司 $48比較罕有，肉質綿密，食落黏口，但味鮮甜。鰻魚櫻花玉子燒 $48鰻魚好juicy加埋厚身玉子燒厚身，又滑又啖啖肉，賣相又靚，鰻魚控要試。