一本鐵板燒日本料理 (已結業)

好少有一間餐廳真係會話佢係難食，但呢間餐廳嘅壽司絕對可以講係難食。因為喺附近上堂嘅關係，所以就搵咗呢間食嘢，因為佢係地鐵嘅附近。 佢係有拉麵呀，鐵板燒，壽司等等嘅日本嘢嘅。我叫咗三文魚壽司兩件同埋一個牛肉拉麵。呢個三文魚壽司本身其實我對佢都冇乜期望嘅，因為佢係8蚊就兩件，我諗住係爭鮮咁樣啦，但係估唔到佢可以難食過爭鮮！！d 飯勁硬！ 跟住呢個係牛肉拉麵，嗰日我係有啲趕時間嘅，催咗好耐呢先至有個麵畀我。我諗住點解要整咁耐呢，原來因為佢牛肉唔係肥牛嚟嘅，係一啲真係燒過嘅肉，可能係鐵板燒呀，咁係有啲驚喜嘅。咁個麵呀都係正正常常，有啲粟米呀咁，上面啲紫菜呢係勁唔得嘅！！總括而言呢間嘢真係唔好食佢d 壽司！ 仲有呢間嘢呢其實係有加一嘅，睇佢真係唔似，但係有嘅。