MOS Burger

營業中

休息中

見到廣告期間限定的壽喜燒漢堡，日本feel 番哂黎，有隻流心蛋睇見到好吸引，滿心歡喜衝去食，仲點埋新品芒果乳酪梳打。其實咁大個飽，真係唔知點咬好，邊到食先可以食到哂四樣蛋牛菜飽又唔會蛋汁肉汁唧到手？最後都無無計，食蛋飽先，一咬隻蛋...都稱唔上半熟，強行咇個流心效果，確實圖片只供參考！因為食唔到牛肉同汁所以無咩味，跟手食淡牛同飽，個醬汁幾好味，但牛肉偏靭，其實成件事最後係分開食....唔係幾夾...飲淡芒果乳酪梳打，救命！酸到眼都打唔開，好似無咩調味咁...加上芒果乳酪好似唔多夾梳打，有氣再放大左個酸味。整體失望...食番世一照燒牛肉漢堡好過！