鍋處

營業中

休息中

餐廳位於東薈城內，主打日式鍋物料理，特別之處係可以一次過享用壽喜燒同涮涮鍋雙重放題！裝修以簡約木系風為設計，座位寬敞，空間感幾大，而且地方乾淨企理，感覺十分舒適😎 期間限定日本A5和牛套餐包括半公斤和牛、任食7⃣️款肉類、蔬菜、丸類、飲品、雪糕、甜點等！肉類要向店員order，其他就放晒喺自助區～ 湯底揀咗壽喜燒同龍蝦湯味嘅涮涮鍋，前者甜中帶鹹，後者味道濃郁，兩款各有千秋，可以一試😌牛魔王表示呢度嘅牛真係不得之了，A5油份最多，肉質軟腍鬆化，入口即溶，食到舔舔脷呀😛 澳洲安格斯牛肉質細嫩多汁、霜降美國SRF和牛油花偏少、霜降美國牛小排既有咬口牛味亦唔算出、而美國極黑和牛嘅牛味就最濃郁，個人極度喜歡💕 除咗牛之外都有熊本白豚肉，鍾意食豬嘅朋友就唔好錯過啦！自助區有唔同蔬菜同丸類，生菜、油麥菜、皇帝菜、豆苗、冬菇、南瓜、仲有超級罕有嘅花生苗🥜 芽根粗大潔白，頂部有粒花生，口感爽脆，超級特別！旁邊亦有咖喱飯同幾款冷盤伴菜，配牛一流～ 而飲品方面就比較大路，主要係汽水、果汁、茶類同自家製豆漿，豆味香濃，真材實料，甜度適中，值得一試👍🏻 食飽飽仲有香濃嘅芝士蛋糕、果子、布甸同多款雪糕添，整體性價比甚