影片
更多
2021-07-16
177 瀏覽
※本文以用餐當日的環境、服務和食物質素為準，口味亦因人而異，文章只作參考之用。.同男人黎到位於美麗華商場內的滿樂潮州，屬於新派既潮州菜館，食左餐潮洲菜做晚餐，叫左幾款「農場到餐桌」既菜式很適合夏天品嘗，味道都相當唔錯，而且侍應們的服務態度都好好！侍應安排我地二人坐四人的位置，所以很闊落舒適；這中菜餐廳的裝潢都比較走向新派的路線，所以會見到不少年青客人黎食晚餐。飯前先送上功夫茶開開胃～檸檬燉鴨湯燉湯飲落果皮味突出，帶有淡淡檸檬的味道，飲落順喉開胃！鴨肉肉質食落亦唔會煲到好乾柴，好適合夏天品嘗。骨香鵝肉片 （小）這碟小份的份量都不少，面頭有全肉鵝片和帶骨鵝肉，鵝肉夠嫩，滷水滷得很入味，底下還墊有嫩滑豆腐，好食！鹽焗黃油烏頭魚（原條）$168以鹽焗的方式炮製，食落魚肉鮮嫩，滿口豐腴油香；平時食魚唔識吐骨既我，這條烏頭用筷子輕輕一夾便能夾起整串魚肉，無骨之餘，味道亦相當不錯。橙香焗排骨 148呢個焗排骨真係勁開胃，份量頗多，小妹超鍾意！將炸過既排骨淋上香甜既橙香醬同橙肉，味道天然、酸酸甜甜又開胃！肉既比例都多，肉質咬落唔會鞋口攝牙，會令人追著吃！欖菜馬蹄炒涼瓜以欖菜入饌，加入爽脆馬蹄和涼瓜一同
.
同男人黎到位於美麗華商場內的滿樂潮州，屬於新派既潮州菜館，食左餐潮洲菜做晚餐，叫左幾款「農場到餐桌」既菜式很適合夏天品嘗，味道都相當唔錯，而且侍應們的服務態度都好好！
侍應安排我地二人坐四人的位置，所以很闊落舒適；這中菜餐廳的裝潢都比較走向新派的路線，所以會見到不少年青客人黎食晚餐。
飯前先送上功夫茶開開胃～
檸檬燉鴨湯
燉湯飲落果皮味突出，帶有淡淡檸檬的味道，飲落順喉開胃！鴨肉肉質食落亦唔會煲到好乾柴，好適合夏天品嘗。
骨香鵝肉片 （小）
這碟小份的份量都不少，面頭有全肉鵝片和帶骨鵝肉，鵝肉夠嫩，滷水滷得很入味，底下還墊有嫩滑豆腐，好食！
鹽焗黃油烏頭魚（原條）$168
以鹽焗的方式炮製，食落魚肉鮮嫩，滿口豐腴油香；平時食魚唔識吐骨既我，這條烏頭用筷子輕輕一夾便能夾起整串魚肉，無骨之餘，味道亦相當不錯。
橙香焗排骨 148
呢個焗排骨真係勁開胃，份量頗多，小妹超鍾意！將炸過既排骨淋上香甜既橙香醬同橙肉，味道天然、酸酸甜甜又開胃！肉既比例都多，肉質咬落唔會鞋口攝牙，會令人追著吃！
欖菜馬蹄炒涼瓜
以欖菜入饌，加入爽脆馬蹄和涼瓜一同炒開，食落帶甘醇的味道，男人食左勁多呢！
夏日清甜湯
飯後甜品，有百合、雪耳、蓮子、紅棗煲起的甜湯，每飲一啖都覺得很清甜滋潤呢！
張貼
