Poke Go (大南街)

營業中

休息中

咁熱既天氣一定喚起食刺身壽司呢一類既慾望，但有時不防試一試新口味試下另類既刺身飯！今次有朋友帶我去近期被政府大規模重建既深水埗區試下呢間新開既poke專門店。兒聲既poke主要以三文魚，吞拿魚，八爪魚同素食既雜菌香菇為主。之後再根據自己既preference再揀選其他配料及醬汁。三文魚poke，第一眼望到poke已經驚嘆左一下！以呢個價錢黎講真係超級豪華而且相當足料又慷慨。首先望落顏色好吸引，未食已經流晒口水。三文魚彈牙又帶魚甘香，甜粟米又甜又爽脆，再加上粒粒爆漿既蟹籽及鮮蟹肉入口更鮮甜及帶住陣陣鹹鮮香。雞蛋絲同樣香甜帶住蛋香，配襯辛味蛋黃醬酸酸甜甜中又帶點芥末辛香夠晒開胃又唔會覺得膩。黃金蟹卷蟹腳棒以網紙包裹住再炸香，帶住淡淺既金黃色。入口酥脆香口，入口唔油膩。內裏蟹肉鮮甜，再配上帶芥末辣味既沙律乳酪醬好夾。冷壓蘋果汁經冷壓既果汁更能夠帶出水果自身既香味及保存住水果既營養。蘋果汁入口香味氛香又香甜，再配上自家製既果乾帶出雙倍蘋果香。