段純貞X日出茶太 (The Johnston)

營業中

休息中

晏晝係灣仔行到球場嗰面，又落雨又嗡悶，見到呢間段純貞有連埋日出茶太，就決定去食餐台灣野，順手飲杯手搖飲料。入到去睇嗰menu，先發現原來佢仲有賣一款叫梅汁芒果嫩雞胸拌冷麵，聽落都好似酸酸甜甜好開胃咁，所以就嗌一個黎試試佢。另外再叫左一份台式拼盤小食，野飲就嗌左一杯西瓜特飲。等緊野食望下鋪頭入面D裝修，整體都係用木/竹系既感覺設計，俾人感覺都係明亮舒服既，而且地方都乾淨企理。過左15分鐘左右Order就已經出齊，都算幾快下，咁試左嗰小食拼盤先，份量正正常常，豆腐、菇都有4,5舊，都滷得幾入味，隻溏心蛋好好味。試埋豌麵，望落嗰賣相好清新，上面既芒果係新鮮芒果黎，食落香不過唔係好甜，仲有一舊細蕃茄有用梅汁先浸過，有多一陣梅香味，塊雞胸應該係用慢煮，咬落去唔會嚡口都Juicy，連埋嗰汁食唔錯，嗰麵同嗰汁幾夾，少少酸甜好開胃，我覺得如果之後天氣再熱D再食一豌咁既冷麵會好啱。