影片
更多
2022-07-24
661 瀏覽
夏天真係好熱令人冇乜食慾。跟住唔食嘢又唔得。咁就唯有去搵啲易入口嘅食物。其實我估唔到我自己揀嘅第一碟菜竟然係茶碗蒸。呢個茶碗蒸真係好足料，佢俾晒成隻帶子出嚟，而且入面仲有一隻蝦。滑蛋好有蛋香味。三文魚上面落咗芝士，唔係嗰種溶溶爛爛嘅芝士，而係固體芝士食落去口感十足。我覺得呢一碟壽司其實唔使豉油都可以食到好香。但係其實我最鍾意食，就係呢個蔥香吞拿魚壽司。入面嘅吞拿魚碎都好似嗰啲煮熟咗嘅免治豬肉咁。但係完全冇豬肉嘅嗰浸腥味，有嘅只係魚嘅鮮味。個蔥香為魚香加分，有啲人可能好唔鍾意食蔥香，但係我覺得呢個蔥其實唔錯。其實我覺得佢呢個調味架都做得算係唔錯。各種類型嘅豉油都有，仲有柚子汁。我喺其他壽司店都冇見過。算係一個比較新奇嘅體驗。食得壽司郎點可以唔影返迴轉壽司架呢？但其實我真係好少喺迴轉壽司搞到拎嘢食。唔知道點解我覺得自己點嘢食，送過嚟反而係比較好食。食到最後我哋幾個人都叫咗一杯雪糕。一個係朱古力芭菲另外一隻係蜜桃芭菲。蜜桃嗰一隻口味會更加適合夏天，同埋佢係期間限定。雪糕上面有真正嘅蜜桃果肉，口感清新聞落去仲有淡淡的果香。朱古力嗰隻口感會更加豐富，我覺得適合一年四季食用。兩隻雪糕都有蛋糕同埋慕
其實我估唔到我自己揀嘅第一碟菜竟然係茶碗蒸。呢個茶碗蒸真係好足料，佢俾晒成隻帶子出嚟，而且入面仲有一隻蝦。滑蛋好有蛋香味。
三文魚上面落咗芝士，唔係嗰種溶溶爛爛嘅芝士，而係固體芝士食落去口感十足。我覺得呢一碟壽司其實唔使豉油都可以食到好香。
但係其實我最鍾意食，就係呢個蔥香吞拿魚壽司。入面嘅吞拿魚碎都好似嗰啲煮熟咗嘅免治豬肉咁。但係完全冇豬肉嘅嗰浸腥味，有嘅只係魚嘅鮮味。個蔥香為魚香加分，有啲人可能好唔鍾意食蔥香，但係我覺得呢個蔥其實唔錯。
其實我覺得佢呢個調味架都做得算係唔錯。各種類型嘅豉油都有，仲有柚子汁。我喺其他壽司店都冇見過。算係一個比較新奇嘅體驗。
食得壽司郎點可以唔影返迴轉壽司架呢？但其實我真係好少喺迴轉壽司搞到拎嘢食。唔知道點解我覺得自己點嘢食，送過嚟反而係比較好食。
食到最後我哋幾個人都叫咗一杯雪糕。一個係朱古力芭菲另外一隻係蜜桃芭菲。蜜桃嗰一隻口味會更加適合夏天，同埋佢係期間限定。雪糕上面有真正嘅蜜桃果肉，口感清新聞落去仲有淡淡的果香。朱古力嗰隻口感會更加豐富，我覺得適合一年四季食用。兩隻雪糕都有蛋糕同埋慕絲，朱古力嗰隻當然係朱古力味啦。但係估唔到食到落底，仍然會有奶油同埋生果。
整體來講，除咗等待入場食飯嘅時間耐少少之外。成餐嘅水準都非常有保證。如果唔介意等待一兩個鐘頭可以喺晏晝嗰陣時去。但其實，我發現一個人去食壽司郎嘅話入座會快少少。呢間鋪已經唔算係多人等，但係我都足足等咗90分鐘。
張貼
