Greenhouse

營業中

休息中

銅鑼灣揸車要搵地方泊車食飯，所以揀左time square，本來諗住食壽司，突然好想食龍蝦就過左黎greenhouse. 夏天出面熱辣辣，香芒龍蝦沙律簡直係消暑低卡之選😍 龍蝦啖啖肉好爽，唔駛剝殼，佢已經剝好哂，連鉗位都只要輕輕一拉就所有肉都拆哂出黎食，好正 。 今次芒果就酸左少少，不過整體都ok，唔想食澱粉質就岩哂 。朋友叫左個龍蝦牛扒，一樣咁好食，個龍蝦燒過仲香啲，不過燒完就有少少縮細咗，但個牛扒都唔差喎，又juicy又唔會over cook，唔乾唔鞋又有肉汁，燒得都幾香，係真係幾好食 。不過埋單個下有啲驚訝啲員工竟然唔識個Gaia membership system ，同我講無折只可以儲分，跟住我要指俾佢睇我個membership app入面有寫埋幾多折佢先問其他同事 。其他整體都無咩問題，環境都唔差，好闊落，可能過左繁忙時間，無之前啲人講到啲態度咁惡劣丫 。