祥仔 (K11購物藝術館)

營業中

休息中

餐廳位置非常方便，光猛既環境，冷氣極凍，愈坐愈凍，似想利用冷氣催促食客快d食完快d埋單。祥仔脆豬扒飯，炸豬扒外層香脆內層肉嫩，蕃茄飯香口惹味。蝦多士，食落唔油膩，多士香脆，一塊多士一隻全蝦，連蝦尾都係脆嘅。黑松露芝士薯條，味道合格，份量夠。叫咗兩杯嘢飲，"麥精加十勝紅豆"另外係"黑牛"，兩杯都好飲，不過侍應落單係黑牛，最後上咗白牛，好飲就冇所謂，照飲。餐枱上擺有餐具盒，不過兩人座位有三隻刀一把叉。侍應人手不足，反應慢，要問先會俾杯水。因為冷氣太勁，食物好快就凍，感覺去咗海洋公園嘅冰天雪地世界睇企鵝咁，好趕客。結論： 食物質素唔錯，環境乾淨，冷氣太凍，冇服務