極品靚鍋 (已結業)

香港地一年四季，任何時候都可以打邊爐。夏日炎炎，熱屎辣辣，涼住冷氣食住雪糕打邊邊更加爽。今日試咗荃灣大鴻輝嘅極品靚鍋，確係火鍋放題之選。一入場便見到一大個飲品放題櫃，最鍾意係佢有好多自家製冷泡茶、涼茶任君選擇。唔想飲太多甜野，可以揀幾款唔同類型嘅涼茶飲，認真健康。食物方面，多款牛肉任君選擇，而且質素非常高，隨時encore無限碟。湯底我哋叫咗酸菜胡椒豬骨湯，酸菜好開胃，胡椒味夠濃。所有自選配料都係用手機QR code，每碟份量會按人頭比例俾你，細細碟，可以叫多好多樣嘢食，而且上菜都非常之快，落單後5分鐘內即到。我覺得牛筋、花膠、竹笙、雲吞都相當好食。