影片
更多
2024-06-02
1035 瀏覽
❤️今日帶大家嚟，我已經book mark咗好耐嘅乳酪雪糕舖頭！ 大家知唔知道乳酪雪糕同普通雪糕有咩分別呢？其實乳酪雪糕係由較為健康嘅乳酪製成，就算係咁食都唔會有負擔㗎！啱晒我哋呢班久坐不運動嘅港女，夏天又有健康冇負擔嘅甜品食l u！呢度嘅乳酪雪糕，除咗有自由配搭之外，仲有店員精心配搭好嘅口味可以選擇！例如有抹茶🍵，咖啡☕️，朱古力🍫，冧酒提子🍇等等！啱晒選擇困難症！另外呢度仲可以另加配料大部份都係$5咋！。抹茶園 $56作為茶味愛好者梗係要試吓佢哋嘅抹茶口味，呢一杯以乳酪雪糕為基底，加上美味嘅自家抹茶奶醬，仲有Q Q彈彈嘅抹茶麻糬，藍莓等等。我哋呢班大胃王仲特登加咗蓮花焦糖餅乾，同埋脆卜卜嘅咖啡蛋白糖，真係超級好食！抹茶味道非常濃郁，而且佢唔會非常甜，夏天清清爽爽黎一杯真係好開心！。自由配搭自由配搭分幾個層次，最平有$48包一個配料同埋一個醬汁！如果唔夠食，仲可以揀第二個Level，$56包三款Topping一個醬汁！我哋呢班大胃王梗係揀最高配！揀咗$58有酥皮筒包兩款配料同一個醬汁！呢度嘅酥皮好出名㗎，外型好似雪糕筒，但係佢係用酥皮製成非常酥脆，我真係好鍾意呢個口感啊！配料我試咗佢哋推
今日帶大家嚟，我已經book mark咗好耐嘅乳酪雪糕舖頭！
大家知唔知道乳酪雪糕同普通雪糕有咩分別呢？其實乳酪雪糕係由較為健康嘅乳酪製成，就算係咁食都唔會有負擔㗎！啱晒我哋呢班久坐不運動嘅港女，夏天又有健康冇負擔嘅甜品食l u！
呢度嘅乳酪雪糕，除咗有自由配搭之外，仲有店員精心配搭好嘅口味可以選擇！例如有抹茶🍵，咖啡☕️，朱古力🍫，冧酒提子🍇等等！啱晒選擇困難症！另外呢度仲可以另加配料大部份都係$5咋！
。抹茶園 $56
作為茶味愛好者梗係要試吓佢哋嘅抹茶口味，呢一杯以乳酪雪糕為基底，加上美味嘅自家抹茶奶醬，仲有Q Q彈彈嘅抹茶麻糬，藍莓等等。我哋呢班大胃王仲特登加咗蓮花焦糖餅乾，同埋脆卜卜嘅咖啡蛋白糖，真係超級好食！抹茶味道非常濃郁，而且佢唔會非常甜，夏天清清爽爽黎一杯真係好開心！
。自由配搭
自由配搭分幾個層次，最平有$48包一個配料同埋一個醬汁！如果唔夠食，仲可以揀第二個Level，$56包三款Topping一個醬汁！我哋呢班大胃王梗係揀最高配！揀咗$58有酥皮筒包兩款配料同一個醬汁！呢度嘅酥皮好出名㗎，外型好似雪糕筒，但係佢係用酥皮製成非常酥脆，我真係好鍾意呢個口感啊！配料我試咗佢哋推介嘅Brownie同埋特色太妃糖，仲額外加咗杏仁脆片同咖啡蛋白糖添。醬汁有輕微酒味嘅朱古力Bailey ❤️，呢度嘅乳酪雪糕，無論點樣配搭都好好食，全部都非常推薦呀❤️❤️
張貼
