甜源居

營業中

休息中

夏日熱辣辣去完西貢玩水時間尚早就搵間甜品鋪食下🤭 呢間甜源居喺西貢海旁隔離 由碼頭一條直路行過去好容易搵 因為我哋時間尚早唔係高峰食完飯嘅時間所以都唔使等位🔸榴槤班戟夏天又喺度咗榴槤嘅季節 我自己超鍾意食榴槤，所以一見到榴槤甜品基本上都係必點 榴槤班戟入邊包住少少忌廉同埋榴槤肉喺中間 真係超香超好食🥹🔸朱古力沙冰而家天時咁熱真係要飲返杯冰去消暑 尤其仲要玩完水上運動出咗身汗（但係玩完先至有quota食甜品）🥵 飲完之後透心涼嘅感覺真係爽到震🔸芒果河粉芒果河粉又係冇得輸 片頭鋪住超多芒果果肉😱個底係芒果汁底 再用一條條嘅河粉沾住d芒果汁咁食 真係超級滿足強烈推薦喺西貢玩完一日嘅朋友仔可以嚟呢度食甜品chill 下😋