霸嗎拉麵 (屯門市廣場1期)

營業中

休息中

岩岩新開張嘅時候去過一次，記得係正常嘢黎，今次見到有個夏季期間限定，又好耐冇食過拉麵，就試試佢啦。叫左個二人套餐再加個期間限定檸檬燒雞叉燒拉麵，燒雞叉燒係唔錯，比一般豬肉叉燒更清新，感覺冇咁heavy，但湯底就麻麻啦，檸檬味唔夠出，冇我想像中咁酸，要篤爛晒啲檸檬先有少少感覺，同埋依款拉麵唔包隻蛋，感覺硬係爭緊啲嘢咁。另外叫多咗個二人套餐，都ok划算，兩碗拉麵，揀左個餃子同蛋，再多個毛豆，仲包兩罐嘢飲添，食到飽飽。欣賞佢嘢飲有冇汽既雀檸揀，滿足埋唔鍾意汽水嘅朋友仔。