百味堂 (已結業)

百味堂 — 一間嚟自韓國嘅雪糕品牌，最出名嘅就係佢哋100%有機奶造成嘅雪糕，不過今日我同姊妹嚟到係嚟品嚐佢哋嘅夏日限定白桃甜品！日本白桃生乳卷 $58由蛋糕卷到奶油白桃夾心都做到一絲不苟，整件生乳卷蛋糕入口軟棉，再加上軟滑細膩嘅奶油，每一口奶香都相當濃郁，日本白桃肉粒香甜多汁💦口感豐富，整件生乳卷每樣食材都配合得宜，絕對唔會甜膩反而令人一口接一口去品嚐其美妙配搭！原個日本白桃紅莓杏仁撻 $142選用一整個原個日本白桃🍑嚟做甜品，真係相當有誠意！白桃表面撒上金箔，切開白桃發現流心吉士夾心，欣賞！白桃入口清甜，鮮嫩多汁，流心吉士夾心配上紅莓杏仁撻底，跟白桃味道剛剛好做到一個平衡，完全唔會喧賓奪主，反而增加口感層次同時間令白桃嘅甜味更顯悠長！擺盤亦有心思，滿滿白雲一樣嘅棉花糖包圍☁️ 唯一美中不足嘅地方係存放方面處理不太理想，白桃肉表面有少少氧化。