瀰月屋 (已結業)

相信喜歡日本文化的朋友都知道甚麼是「和菓子」，不過香港正宗的和菓子並不多，今次繼續亂入朋友嘅約會，殺入瀰月屋感受夏日和式氣氛。甫到達經已感受到相當濃厚嘅和風，無論座位、裝飾襬設都令人置身日本小店中。因為榻榻米滿座關係，我同朋友一行三人只好入內使用普通木座，事不宜遲梗係睇下有咩食先！花款選擇太多，樣樣都好想試，所以大家都點了些能Share的食品。朋友點的白桃酵乳，試過的朋友都說很不錯！瓶子很特別，很有「牛奶」的感覺！這個係我點嘅泡啤啤，開頭被朋友嚇唬，話醉咗唔帶我翻屋企，一試原來係蘋果汁，味道相當不錯。而且瓶子好似支支唔同，今次我個支就係「初戀之味」~初戀啊~另一位朋友點的蕎麥牛乳綠茶，牛乳綠茶味道不錯，但混了蕎麥後有點怪。呢個係葛軟糕 (春之限定草莓味)，原本草莓味幾甜，點些綠茶粉後中和不少，推薦物，而且煙煙韌韌又冷涼，暑氣全消！之後的就係竹介豆腐 (春之限定櫻花味)，雖然都幾好味，口感有點爽口，不過食完葛軟糕後就完全被比下去了！最後黎嘅就係迷你鯛魚燒，餡料嘅紅豆唔算太甜，唔會讓人覺得有膩嘅感覺，不過都幾飽肚。整體嚟講，瀰月屋絕對可以一戰再戰三戰！