茶米 (太古廣場) (已結業)

放假黎太古廣場睇戲，見未夠鐘就想買杯野飲再四圍逛下等開場，就路過呢間戲院附近嘅餐廳。外觀上似cafe多過餐廳，入到去就發現分咗兩個區域，一邊係坐低嗌Menu食飯，一邊係飲台式飲品。我淨係想買杯野飲，所以只係留意飲品呢part。既然主推手作珍珠，又從未見過試過「夏枯草珍珠」，即管試一試！順帶一提，就算你只係嗌一杯飲品，都會有店員送到去你嘅坐位，好貼心，環境咁舒服，又有叉電位，做咩仲要去m記 Starbucks 同人迫呢😂😂😂夏枯草珍珠白桃烏龍👍🏻 非常好飲！我自問比較嘴刁，但呢杯飲品的確係令我即時想「下次想黎」先講白桃烏龍，嗌左少甜，味道剛好，兩種味道無互搶！重點係夏枯草珍珠，食落真係滿滿嘅夏枯草味，呢種甜令人好易接受，仲可以呃下自己飲哂成杯都唔係好肥姐！😎 真心推介