夏雪 (已結業)

🥞呢排突然之間好想食格仔餅、窩夫，呢類型啖啖實在，滿滿幸福感嘅甜品。上網搵到呢一間位於大圍，出名食雪糕及窩夫嘅甜品店「夏雪」。🍨餐單有多款特色味道嘅雪糕和窩夫供選擇，例如：愛爾蘭威士忌咖啡味及椰汁竹炭黑芝麻麻薯窩夫。呢啲配搭較少見，好有新鮮感～🧇最重要嘅喺每一份窩夫都係即叫即焗，製作窩夫嘅蛋漿經過獨家精心調製，上枱時熱辣辣，口感外脆內軟，作為秋冬甜品冇得輸～🍠紫薯窩夫（$65）：雲呢拿雪糕一球，新鮮水果哈密瓜，小甜薯，紫薯窩夫一件。紫薯窩夫內餡有紫薯蓉，淡淡嘅紫薯香。如果喜好甜食嘅朋友可自行加添糖醬。再於表面灑上奪目嘅紫薯粉，賞心悅目。🥥椰汁竹炭黑芝麻麻薯窩夫（$68）：蜜漬紅豆，黃豆粉闕餅，椰汁雪糕一球，椰汁竹炭黑芝麻麻薯窩夫一件。小編認為呢款口感更加酥脆，更香口。加上麻薯嘅軟糯，口感更豐富。椰汁雪糕嘅配搭好好。👏🏼整體而言：1. 環境空間乾淨整潔，可以慢慢坐傾計。2. 甜品新鮮製作。3. 貓店主不定期出現，有緣人相會～4. 精品首飾售賣～夏雪 地址：大圍積富街31號益富閣地下3號舖電話：46780240#香港食好西 #大圍 #窩夫 #甜品 #野生代言人