Second Bite Bar & Cafe (紅磡灣中心) (已結業)

今晚唔想做煮婦，又想食啲屋企唔會煮到嘅餸，順便同個46撐下枱腳，見佢門面四正，根據我多年嘅搵食心得再加埋睇完食評，食得過啦！叫咗個醉燒三黃雞同焗虎蝦。先黎個焗虎蝦跟蒜法包四件，份量夠，睇番價錢先98蚊，就更覺得抵食，蝦味濃，個汁有啲鹹，不過用其他食物去點黎食又balance 番啲。個雙色薯條幾好食，鍾意佢跟個有酸瓜粒粒嘅沙律醬，顯得有誠意。而隻燒雞呢$168，好食😋酒味唔突出，不過個皮燒得好香脆，配薯蓉食，簡單來講，屋企個焗爐焗完又要打個薯蓉，不如直接落街食完仲要唔使洗碗。見到隔離枱叫個條粟米我都想食，下次提我要order 番。