雞吧

營業中

休息中

朋友最近介紹，話係石門開左間炸雞好好食，叫我試下。平時要我專登過去石門就真係有啲難，不過現在屯馬線開通左，所以今晚收工就坐地鐡去石門站買炸雞外賣番屋企食。去到京瑞廣場一期上兩層電梯轉右就到，我地點左大半半炸雞 $138 一個價錢可以食到兩種風味。我鐘意食辣所以就點左火辣熔岩炸雞，另一款就點左雪山芝士炸雞。羊肉卡巴都幾熱門，好在還有，可以跟餐，就跟左小食地瓜球。另外再點了一份蛋餅。多人既話叫4人6人8人套餐都好抵食，價錢$359，599，699。炸雞有分大中細，細既就$58-62，中既就$88 - $108，大既就 $118-138。番到屋企當然第一時間就影相打卡，半半炸雞每樣有8件共16件雞，份量10足。跟住當然食炸雞，火辣熔岩夠晒辣，岩晒愛辣既我，但怕辣既就不太建議。芝士夠晒多鐘意食芝士既一定要選。羊肉卡巴，滿到瀉既羊肉，好有羊肉味，肉肥肥地，有肉汁。蛋餅幾有驚喜，肉鬆好多。地瓜球流心，好好味。