雞同鴨講

營業中

休息中

已經唔係第一次幫襯，成日都好多熟客排隊買，平時都係叫飯盒午餐為主。今日同朋友一齊買咗外賣返屋企食無骨醬油雞半隻，非常入味，仲有一浸煙燻香，又唔會太鹹，雞肉好好滑！泰式鳳爪，呢個簡直係要一個人食晒，因為真係好好食，個泰式醬汁加埋啲生洋蔥生芹菜，比泰國餐廳做得更加泰式！上湯娃娃菜，呢個就正常發揮，份量都幾多！豬頸肉飯，見到員工用鐵板燒即點即燒豬頸肉，好夠鑊氣，而且豬頸肉切得好薄，肥瘦均勻！海南雞飯，重頭戲嚟啦！海南雞飯配兩款醬汁，百搭醬同埋泰式醬，非常特別，每款醬汁都係秘製嘅。明白，點解中午時間會咁多人排隊等，價錢又合理公道，味道有保持水準。