影片
更多
2020-09-07
317 瀏覽
呢晚係晚市堂食解禁嘅第一晚，不過我幻想到周圍都會好熱鬧，所以都係襯仲有外賣優惠時，自取去朋友屋企食好過😝。星期五放工去咗旺角買扭蛋，就順便去埋鳴門買嘢食。餐廳環境如居酒屋🏮一樣，氣氛好好。果然不出我所料，晚上六點鐘入座率已經有七成！我係嚟買外賣嘅，但店員好好人叫我入舖頭坐低慢慢揀。餐廳現時嘅外賣自取優惠超抵，因為壽司同刺身類等享有半價優惠，而其他餐牌食物都有八折👍！另外，仲有啲指定套餐添。由於咁鬼抵，我見外賣訂單係做唔停手㗎。等咗大約十五分鐘，全部食物就已經準備妥當。依度二人份量，咁多嘢食都唔駛三百蚊😉。再者，外賣造型擺盤得好靚，望見流哂口水。刺身方面，我哋要咗三文魚刺身(四片)同埋赤海蝦刺身(兩隻)，兩樣原價都係$58，半價後$29真係超級抵😍，仲平過爭鮮。三文魚超厚切，正啊，而且魚身有光澤，油脂唔錯。不過一山還有一山高，🦐赤海蝦更加出色，齋講大小，已經贏哂，因為有成隻木筷子🥢咁長。蝦肉質感好綿，味道又鮮，必食推介。壽司方面🍣，有少量項目係單件計，其餘都係一客兩件，半價後平過連鎖店真係好痴線！我哋要咗十件壽司，包括鵝肝(原價$68/1件)、吞拿魚腩(原價$45/1件)、火炙左口魚裙邊
呢晚係晚市堂食解禁嘅第一晚，不過我幻想到周圍都會好熱鬧，所以都係襯仲有外賣優惠時，自取去朋友屋企食好過😝。星期五放工去咗旺角買扭蛋，就順便去埋鳴門買嘢食。
餐廳環境如居酒屋🏮一樣，氣氛好好。果然不出我所料，晚上六點鐘入座率已經有七成！
我係嚟買外賣嘅，但店員好好人叫我入舖頭坐低慢慢揀。餐廳現時嘅外賣自取優惠超抵，因為壽司同刺身類等享有半價優惠，而其他餐牌食物都有八折👍！另外，仲有啲指定套餐添。
由於咁鬼抵，我見外賣訂單係做唔停手㗎。等咗大約十五分鐘，全部食物就已經準備妥當。依度二人份量，咁多嘢食都唔駛三百蚊😉。再者，外賣造型擺盤得好靚，望見流哂口水。
刺身方面，我哋要咗三文魚刺身(四片)同埋赤海蝦刺身(兩隻)，兩樣原價都係$58，半價後$29真係超級抵😍，仲平過爭鮮。三文魚超厚切，正啊，而且魚身有光澤，油脂唔錯。
海蝦刺身
$58
2 瀏覽
0 讚好
0 留言
壽司方面🍣，有少量項目係單件計，其餘都係一客兩件，半價後平過連鎖店真係好痴線！我哋要咗十件壽司，包括鵝肝(原價$68/1件)、吞拿魚腩(原價$45/1件)、火炙左口魚裙邊(原價$45/2件)、鮮貝柱(原價$45/2件)、三文魚子籽(原價$45/2件)同蟹籽(原價$28/2件)。
鵝肝壽司
$68
2 瀏覽
0 讚好
0 留言
火炙左口魚裙邊壽司
$45
5 瀏覽
0 讚好
0 留言
炸軟殼蟹牛油果沙律
$68
3 瀏覽
0 讚好
0 留言
炸魷魚配他他汁
$48
4 瀏覽
0 讚好
0 留言
總括嚟講，我覺得呢餐外賣超正😋，食物質素高，食材新鮮、味道好食，價錢仲好大眾化添！居酒屋開到零晨兩點，遲啲有待社會回復正常之際，我一定會嚟堂食幫襯。
張貼
