Eggcellent 852

營業中

休息中

之前喺沙田嘅時候已經試過喺店嗰度即買即食，個豬柳蛋真係好過癮。但結咗業之後有時都心思思想食。咁啱入開嚟元朗探朋友，食完午餐之後成班勁黐線話未夠飽要再食下午茶。咁就索性叫呢一間外賣返嚟食。用外賣平台叫都差唔多百幾蚊兩片雞蛋仔。貴咗少少，但係勝在唔使行。雖然係外賣，但係嚟到嘅時候都冇淋到仲係卜卜脆。個豬柳蛋都係熟悉嘅味道。我就鍾意搣開一粒粒嚟食，但啲朋友就話要夾住成底食先爽。另外今次有驚喜另外買咗麻糬味，煙煙煙韌幾過癮，唔太甜感覺唔會有咁強嘅罪疚感。