大灰熊廚房 (裝修中)

前兩日去開將軍澳，夜晚想買啲中式小菜返屋企食，上網search完一輪，見到呢間大灰熊廚房好似幾多好評，就買左個優惠家庭餐返屋企做dinner。優惠家庭餐（2位用）$188任選兩款小菜，我揀左蒜蓉粉絲蒸勝瓜同埋土匪雞翼。蒜蓉粉絲蒸勝瓜用黎配白飯一流，好濃嘅蒜香味，粉絲彈牙，好入味，勝瓜多汁。土匪雞翼拎到返屋企依然不失香脆，好香孜然味，食落好有新疆烤肉嘅風味。雞翼係單骨雞翼，食用方便。湯或羹任選一款，我揀左番茄肉片湯，好足料好多番茄同肉片，味道香濃。肉片煲完湯都幾嫩滑。另外仲包兩杯熱飲同埋兩碗白飯，價錢都算抵食。另外為食嘅我都加左份$38嘅涼拌青瓜。充滿麻香而又唔會太辣，清新而惹味。整體黎講，外賣嘅質素都幾好，感覺唔會比堂食遜色。等外賣嘅時候見到有得喺foodpanda落單，如果大家有興趣都可以試下。