東寶小館 (已搬遷) 新店位置

一直都知東寶小館好出名，唔book都好難有位。但忽然好想試吓，於是在星期六晚上8 PM碰碰運氣walk in，好彩咁啱有兩人位。我諗東寶應該係最受外國人歡迎的大排檔，場內的外國人比香港人還要多。無他，這裡有提供英文menu，場內的氣氛亦似酒吧多過大排檔。電視播著的是英文歌mv，個人覺得音量有點大，但外國人應該好受落。沙拉骨同椒鹽鮮魷都好出色，唔會有太厚的炸皮，但仍炸得很香脆。入面的排骨和海鮮也吃得出是高質的值得一讚的是，呢兩碟炸嘢都可以叫半份。人少少去大排檔最怕眼闊肚窄，可以半份半份咁叫真係啱晒咩都想試少少嘅人。人少少去都可以食多啲款豉椒炒蜆同樣好出色！味道夠重口味，蜆好大隻，有肉，而且全部殼開晒口嘅 完全無呃稱！啫啫煲菜蝦醬味濃，好味！整體來講，東寶價錢真係偏貴，但質素對得住價錢。又可以叫半份，人少少都可以食。