Homemade Pizza (已結業)

今日去葵芳行街，行到好肚餓，但又吾想掃街，所以周圍睇下有咩好食。 行到葵涌廣場2樓見到呢間餐廳既pizza好似好吸引，於是就決定食呢間。但坐低後見到相原來只係得一塊細pizza，我一定唔夠飽，所以試下呢度既burger。我地叫咗澳洲穀牛漢堡包，泰式香辣雞扒漢堡包，焗薯同熱朱古力。2個burger都有薯角跟，薯角好鹹唔好食。個Beef burger勁好食，完全係外國味道，牛肉好實，好厚，好多肉汁，而個包同平時係香港食既亦好唔同，鬆軟好多。雞扒漢堡包既雞扒好大份，炸得啱啱好，而且好多泰式酸辣醬。每咬一啖都有酸酸地辣辣地既味好正。可以係葵涌廣場食到咁外國味道既burger都算係一大驚喜!