Fish & Chick (高街) (已結業)

細細個去倫敦旅行阿媽淨係帶我食炸魚薯條，我就斷章取義式咁理解咗做「倫敦淨係得炸魚薯條，無啖好食」。大個發現英國菜其實有好多選擇，但炸魚薯條依種經典配搭耐唔耐就想食翻次。•依間小店係堅尼地城有分店，係正海旁，前面無遮無擋，可以望住大海吹住海風，食薯條飲啤酒。高街依間分店雖然無海景都無靚景，但餐點質素依然有水準，仲做緊外賣自取買一送一優惠，有需要嘅朋友記得bookmark咗先～•❝炸鮮蘑菇沙律❞炸皮酥脆，蘑菇依然保持多汁，而且內有香料，風味再提升。沙律醬汁偏酸而且比例多，唔會食到最後個幾塊沙律菜要乾啃，沙律菜用料亦新鮮。❝紐西蘭藍鱈魚❞餐點份量超～級大！炸魚係行皮肉分離路線，炸皮略嫌過份油膩，但厚薄適中亦夠脆口。紐西蘭獨有嘅藍鱈魚口感非常厚實，廚師調味算輕手，魚肉本身嘅魚鮮味算正常發揮。厚切薯條口感偏粉，薯條夠入味而且面頭亦有粗鹽。❝熱情果檸檬特飲❞ (+$20)熱情果味突出，檸檬味就無乜，而且有些少過甜，對於鍾情於酸味飲品嘅人類黎講未必係心目中個回事。不過用一杯清爽飲品配搭炸物享用都係必須要嘅。❁ 用餐提示餐店以藍色﹑黃色為主調，即使係高街依條餐店宏立嘅街道上面亦非常亮眼。內裡有招牌霓虹