影片
更多
2016-09-19
1784 瀏覽
小妹第一篇食評，希望大家唔會見笑^^！今日係我家麥師奶嘅生日我地一行12人就嚟左新都城2期嘅百匯軒同佢慶祝！我地最後決定叫一個套餐，又可以唔洗續樣點諗到頭都大晒又免加一，最後仲送左水果加糖水比我地！唔錯吧！首先上嘅係玫瑰龍蝦e麵：👍👍👍👍玫瑰龍蝦其實係嚟自南非嘅品種！佢嘅外殼比其他龍蝦品種夠為薄身，肉質非常之飽滿而有彈性而且龍蝦味十足！比起大隻得龍蝦味較淡嘅波士頓龍蝦我地就更加玫瑰龍蝦！今次呢隻大概有2斤半重，啖啖肉！不過e麵就比較失色，啲汁好明顯係冇撈到落底所以沒有掂到汁嘅麵會痴住，一夾起就一大舊！不過overall味道非常不錯，不會太鹹，食多幾舊都唔會覺得口渴！元貝珊瑚蚌炒甜豆：👍👍👍甜豆炒得啱啱好，非常爽脆！元貝鮮甜，唔會好似擦子膠一樣(你懂的)，不過係個珊瑚蚌一啲大大舊，一啲就碎碎咁所以我地一啲人有得食，其他冇得食嘅人就得個睇字囉！😜炸海鮮卷：(小妹冇食到！抱歉🙋！)不過聽講有食嘅屋企人話海鮮卷入面有菠蘿粒食起上得冇咁濟喎！😜脆皮燒乳豬：👍👍👍👍豬皮燒得十分之脆，裡面嘅肥膏唔會太厚，肉質香滑，食落一啲都唔覺得油膩！隻乳豬一嚟到大家已經急不及待起筷，所以e道其實得番一半！😂清蒸沙
首先上嘅係玫瑰龍蝦e麵：👍👍👍👍玫瑰龍蝦其實係嚟自南非嘅品種！佢嘅外殼比其他龍蝦品種夠為薄身，肉質非常之飽滿而有彈性而且龍蝦味十足！比起大隻得龍蝦味較淡嘅波士頓龍蝦我地就更加玫瑰龍蝦！今次呢隻大概有2斤半重，啖啖肉！不過e麵就比較失色，啲汁好明顯係冇撈到落底所以沒有掂到汁嘅麵會痴住，一夾起就一大舊！不過overall味道非常不錯，不會太鹹，食多幾舊都唔會覺得口渴！
元貝珊瑚蚌炒甜豆：👍👍👍甜豆炒得啱啱好，非常爽脆！元貝鮮甜，唔會好似擦子膠一樣(你懂的)，不過係個珊瑚蚌一啲大大舊，一啲就碎碎咁所以我地一啲人有得食，其他冇得食嘅人就得個睇字囉！😜
炸海鮮卷：(小妹冇食到！抱歉🙋！)不過聽講有食嘅屋企人話海鮮卷入面有菠蘿粒食起上得冇咁濟喎！😜
脆皮燒乳豬：👍👍👍👍豬皮燒得十分之脆，裡面嘅肥膏唔會太厚，肉質香滑，食落一啲都唔覺得油膩！隻乳豬一嚟到大家已經急不及待起筷，所以e道其實得番一半！😂
清蒸沙巴龍躉：👍👍👍嘩！好大條！不過由於可能佢太大條嘅關係，無論師傅時間拿捏得幾好，魚肉係啱啱好離骨但係都係會比細魚鞋一啲！不過佢勝左魚味十足又夠鮮甜，最後大家都食到得番條骨！
炸子雞：👍👍👍呢道嘅炸子雞真係做得唔錯，外皮炸到非常之脆，入面嘅肉質非常之juicy!!不過作為雞王嘅我都係比佢3個👍，因為雖然師傅嘅煮食技巧十足，不過小妹覺得佢雞味欠俸，加上小妹都係比較愛吃淮鹽配炸子雞！不過侍應反而就比左一碟醬油我地(冇點)!真係可惜!！
荷葉飯：👍👍小妹本身非常之喜愛食荷葉飯，不過今次冇食太多因為小妹不太喜歡太濕嘅炒飯，而且佢地其實冇放太多嘅配料喺炒飯入面，不過味道其實係唔錯的！只係如果佢乾身番少少就更加好了！
蓮蓉壽包：👍👍👍👍壽包係我地今日嘅搶手貨之一，因為佢上到枱嘅時候啱啱蒸起熱辣辣！個包本身做得十分之鬆軟，入面嘅蓮蓉十分香滑而且唔會太甜，如果唔係只有12個.......😋😋
其實我地仲有個魚翅(其實冇乜翅)同埋生鮑魚菇扒生菜，小妹見佢地冇乜特別就唔寫太多喇！由於每一個菜都係大大碟嘅關係，我地個個都食到捧住個肚走，減肥計劃都係聽(or N)日後先開始啦！
張貼
