影片
更多
2008-12-03
69 瀏覽
外婆乃潮州人，對創發情有獨鍾。星期日請我地去創發食潮菜。叫勁多野食，皆因我地坐樓下的出菜位，又對住個"open kitchen"，所以叫叫就叫好多野食。蒸菜粿：新鮮蒸出黎，所以無煎咁油。皮薄多餡胡椒豬肚湯：勁多咸菜、豬腸同豬肚。豬腸豬肚處理乾淨，無異味。胡椒落得非常重手，好辣好驅寒！咸菜炆豬腸：第一次食，估佢唔到咁好味。咸菜超正，酸酸地又唔太咸。同煲湯的不同，細問之下，完來係咸菜味，所以可以炆得咁入味。豬腸不肥，好淋。炆春菜：唔抵食，同屋企自己炆的味道一樣。煎魚：超好食，外皮脆脆地；魚很新鮮，肉質實實鮮甜。很好吃，但我估都唔平。豉油王大蝦：大蝦唔靚，雖然有膏，但肉質太實，且毫無鮮甜之味。黃豆苦瓜咸菜湯：呢個湯好好飲，好夠苦，也有黃豆的甜味。好清熱！蠔餅：蠔仔好細，且鮮味欠奉。洗得唔夠乾淨，有d有殼/沙。炸漿頗厚亦無味。蠔仔粥：清清地，又夠熱。蠔仔比蠔餅的大少少，但依然無鮮味。加了方魚同中國芹菜，味道不錯。竹筍炆鴨：竹筍切得大大條，比手指還要粗。爽口，鮮甜。但d鴨就無咩味。蒸蘿蔔糕：新鮮出爐，可要求將其煎香。我地無煎，無咁油。有芋頭粒、蝦米、花生等。食到一絲絲蘿蔔。栗子炆豬
星期日請我地去創發食潮菜。
叫勁多野食，皆因我地坐樓下的出菜位，又對住個"open kitchen"，所以叫叫就叫好多野食。
蒸菜粿：
新鮮蒸出黎，所以無煎咁油。皮薄多餡
胡椒豬肚湯：
勁多咸菜、豬腸同豬肚。
豬腸豬肚處理乾淨，無異味。
胡椒落得非常重手，好辣好驅寒！
咸菜炆豬腸：
第一次食，估佢唔到咁好味。
咸菜超正，酸酸地又唔太咸。
同煲湯的不同，細問之下，完來係咸菜味，所以可以炆得咁入味。
豬腸不肥，好淋。
炆春菜：唔抵食，同屋企自己炆的味道一樣。
煎魚：
超好食，外皮脆脆地；
魚很新鮮，肉質實實鮮甜。
很好吃，但我估都唔平。
豉油王大蝦：大蝦唔靚，雖然有膏，但肉質太實，且毫無鮮甜之味。
黃豆苦瓜咸菜湯：
呢個湯好好飲，好夠苦，也有黃豆的甜味。
好清熱！
蠔餅：
蠔仔好細，且鮮味欠奉。
洗得唔夠乾淨，有d有殼/沙。
炸漿頗厚亦無味。
蠔仔粥：
清清地，又夠熱。
蠔仔比蠔餅的大少少，但依然無鮮味。
加了方魚同中國芹菜，味道不錯。
竹筍炆鴨：
竹筍切得大大條，比手指還要粗。
爽口，鮮甜。
但d鴨就無咩味。
蒸蘿蔔糕：
新鮮出爐，可要求將其煎香。
我地無煎，無咁油。
有芋頭粒、蝦米、花生等。
食到一絲絲蘿蔔。
栗子炆豬手：我無食，不過佢地話栗了炆得好淋又入味。
油粿、反沙芋 (我無食)
綠豆清心丸：
味道不錯，不會太甜。清心丸有咬口。
仲有佢地d醃咸菜超正，凍凍，爽爽，新鮮，好正！
埋單$830，唔算平，因為唔算係食貴價野。
同埋真係唔知價，無餐牌，又無價錢貼牆度，真係佢話幾多都得。
張貼