哈迪斯 (已結業)

尋晚原本打算同openrice食家們去得龍食盤菜﹐點知臨時要去灣仔做野做到9點先走得﹐盤菜就唔使諗喇。諗住去食蝦麵店﹐居然收左鋪。又想行過D食咖喱豬扒﹐去到已經拖緊地﹐清潔緊。有無搞錯﹐灣仔區﹐9點幾就收鋪...?心灰意冷﹐又倦﹐唔想再花精神去諗食乜﹐結果經過哈迪斯﹐諗起呢間連鎖店﹐執下又一間﹐執下又一間﹐怕遲早無得食﹐於是入去醫肚。"唔該兩件炸雞要上脾﹐一杯.....""上脾賣晒。""o甘....要雞翼啦。""雞翼未炸好要等""o甘....要雞錘啦""雞錘都要等""o甘....要個三藩市芝堡。""三藩市芝堡要等5分鐘""ha...? 有咩係唔使等﹖我好肚餓""炸薯條啦""好好好﹐o甘要一個三藩市芝堡餐﹐食住薯條先。"結果﹐食住一d唔需要等﹐但已經凍左兼變軟的炸薯條﹐飲住杯冰凍可樂黎等個三藩市芝堡。食左一半﹐真係頂唔順﹐原來凍左軟左的薯條係如此難以入口﹐我真係而家先知。等多幾分鐘﹐收銀員親自送個包黎我面前﹐都算有返少少溫暖。一啖咬落去﹐咦!? 又係唔熱既? 只係個包比較熱﹐裡面塊漢堡肉係少少凍的﹐連芝士都唔溶﹐原來等左5分鐘只係等到一個外熱內冷的漢堡包...原本想拎個包返去收銀處投訴﹐