Second Bite Bar & Grill (已結業)

好一段時間沒來訪，今日有機會再來會一會這裡的「招牌肉餅飯」。先來個甘荀南瓜湯，熱辣辣丶大碗又夠creamy，細心位是當中加入了洋蔥，口感同味道都豐富不少。由飲完湯到食到個飯大約要10分鐘。要食呢個招牌肉餅一定唔可以心急，因為肉餅是生煎的，製作需時，加上個肉餅成塊pizza咁，又大又厚，製作功夫真係唔少，一定要預充足時間去煎。十分鐘過去，大大塊肉餅煎出來了。面頭脆卜卜，裡面嫩滑滑咬落去重有肉汁的，加埋個甜豉油，問你死未！$68包湯丶飯及餐飯，絕對超值！