龍皇酒家 (Mikiki) (已結業)

好少去新蒲崗 係黎探朋友先發現原來Mikiki都好多野食 一行四人行完街想醫肚 經過呢間茶樓俾佢吸引咗 因為限聚令好耐無去酒樓食晚飯 而我地都幾中意食中菜 所以二話不說就入咗去雖然得四個人 但因為真係餓了 我地都叫唔少野 半隻鹽香雞 咕嚕肉 牛仔骨 時蔬 仲有條海斑唔駛等好耐就有得食 仲要夠鑊氣最出色係個咕嚕肉 咁耐食呢味小菜 真係無遇到做到味道啱啱好既酒樓 個酸甜醬較得啱啱好 又唔會太稀太黏最怕食落去層粉厚過舊肉 但呢到做到外脆內軟 又唔會多骨 真係好味到添多碗飯🤤牛仔骨都好香好惹味朋友決定下次都會再黎食 無限聚令既話就可以多呢人叫多啲款式食啦!!