金記冰室 (創紀之城五期(apm)) (已結業)

今日見完客就同朋友一齊去呢間金記食飯，估唔到都幾好食而且價錢都唔貴! 我地叫咗個是日晚餐蜜椒薯仔牛柳粒飯，薯仔炸得香脆而且蜜糖包圍住，食落好惹味又唔會太咸，牛柳炒得好juicy同埋調味好岩，有牛味又有淡淡黑椒味，送飯真係一流!另外仲叫咗滑蛋叉燒飯，滑蛋加埋粟米，聞落已經好香，佢地用既叉燒亦都大大舊又唔會太乾，食到真係幾正而且夠多汁送飯!我地仲叫咗個風沙豆腐，呢個真係好出色! 豆腐本身都好軟滑同埋有豆味，外皮炸到金黃酥脆而且仲有蒜粒同辣椒粒調味，好惹味!最後就叫咗個雪糕金沙磚，其實即係西多士，炸得好香而個size又可以岩岩好一口一粒，加埋雲呢嗱雪糕令到成個甜品都唔會太漏添!