影片
更多
2008-07-01
39 瀏覽
本人唔係對此餐廳有仇，但係作為一個顧客同消費者，真的不能接受這種消費方式，過了一段時間，昨天又無奈再到尖沙咀廣東道17號，海港城港威商場地下G301舖，MISO食飯，可以既話，我都唔想來，但係一個好朋友好想食呢度既菜色，因為佢係某YAHOO的BLOG看見到一編食評，(在我角度來講；做得好假既食評)，那一編報導相片完全做過剪輯，對我來講我就唔會信，(信果個都係傻)。話說禽日又無奈咁去尖沙咀MISO食晚飯，我地一行四人，被一位身穿西裝有型男仕，看到佢個名叫做IVAN，安排我地四個人坐一張應該原來坐得三人既枱，我地入坐時間係七點二十分左右，我知道這餐廳的一邊對著戲院果邊有四張SOFA包圍既枱，咁我就問這位有型男仕，可唔可以坐果邊SOFA枱，呢位先生好有禮貌咁答我，"你想坐果邊，當然可以啦，不過要八點半交還張枱。" 我有問WHY? 佢既答覆係有客人留左枱，我問唔會係點名要坐呢張掛，佢答係，話個客人真係點名要坐呢張， 個個客張張都點名坐，咁仲洗做生意既，咁佢就安排左我地坐SOFA果邊D位，睇左個MENU之後就想點菜，點左幾個菜色(都唔係平價) 五色冷豆腐，煎鵝肝加州飯，燒雞腎同雞軟骨，玉子鰻魚卷
本人唔係對此餐廳有仇，但係作為一個顧客同消費者，真的不能接受這種消費方式，
過了一段時間，昨天又無奈再到尖沙咀廣東道17號，海港城港威商場地下G301舖，
MISO食飯，可以既話，我都唔想來，但係一個好朋友好想食呢度既菜色，
因為佢係某YAHOO的BLOG看見到一編食評，(在我角度來講；做得好假既食評)，
那一編報導相片完全做過剪輯，對我來講我就唔會信，(信果個都係傻)。
話說禽日又無奈咁去尖沙咀MISO食晚飯，我地一行四人，被一位身穿西裝有型男仕，看到佢個名叫做IVAN，安排我地四個人坐一張應該原來坐得三人既枱，我地入坐時間係七點二十分左右，我知道這餐廳的一邊對著戲院果邊有四張SOFA包圍既枱，咁我就問這位有型男仕，可唔可以坐果邊SOFA枱，呢位先生好有禮貌咁答我，"你想坐果邊，當然可以啦，不過要八點半交還張枱。" 我有問WHY? 佢既答覆係有客人留左枱，我問唔會係點名要坐呢張掛，佢答係，話個客人真係點名要坐呢張， 個個客張張都點名坐，咁仲洗做生意既，咁佢就安排左我地坐SOFA果邊D位，睇左個MENU之後就想點菜，點左幾個菜色(都唔係平價) 五色冷豆腐，煎鵝肝加州飯，燒雞腎同雞軟骨，玉子鰻魚卷，MISO卷，牛肉火鍋，壽司拼盤，我們點了MENU內較貴的那一個，可惜那些魚生比想像中仲要新鮮，我食左一件就停手，原因係其中一件三文魚壽司，三文魚新鮮到未解凍架，一啖咬落去，我D牙凍到酸，似食雪糕咁，呢個三文魚未解凍既問題，好似係呢間MISO發生過好多次，唔通美心集團旗下既餐廳，真係意見接受態度照舊? 心諗搵人來嘈都無用架啦，費事一陣其他菜色有(加料)情況出現就唔食件三文魚好囉，食完呢次都唔好再來就算，跟住來既係五色冷豆腐。。。。。。完全是「中看不中用」的好例子，每個小匙只比五毫硬幣仲要細既豆腐，因為每一件豆腐的味道都跟其他的不一樣，我可以講，我食左個柚子味又係酸，因為 size 實在太細，放入口似食粒粒雪糕咁，入口立即化，我朋友終於都信我講既野，來食飯係最錯既一件事，跟住就係玉子鰻魚卷，蟹肉係臭臭，蛋就厚得緊要，似食蛋卷多過乜，這兩個串燒都做得唔好，大家可以係相片中看到已是烤至柴皮一舊。我用叉整開燒雞腎差D彈左落我朋友身上，似雞腎乾多D，就算做都可以用火雞腎架啫，大舊D比客食有乜唔好，都唔知係乜野雞種，咬落去似食緊雞腎乾，無乜牙既朋友都唔好叫來食，到煎鵝肝加州飯，是呢度創作料理。慘，就代表唔好食。這個睇起來好靚既飯是凍，下面有大量蟹米子粒，汁料是溝左wasabi的沙拉醬，鵝肝雖然求其煎過但也是凍既中間仲係紅色，食落去似食緊午餐肉，一D鵝肝既味都出唔到來，兩小件仲要切開四份來分來食，牛肉火鍋是比想像中好食的，特別係個湯底，好甜好甜。跟一般的牛肉火鍋唔同，呢個係無邊燒煮邊來食，只係用餘熱把牛肉灼熟。裡面湯面有點像大菜糕既野(肥油)，超好食(講反話)！醬料都好特別，除了一般醬汁，仲有一碗腐乳咁既醬，真係芝麻醬開稀左，飲D湯果一刻似吳剛師傅飲滾油。
食食吓都差唔多八點三，開始慢慢有服務員來問要唔要甜品，即係叫我快D走要交枱啦，我就睇下我唔交枱會點呢，答案係黑口黑面，由果位IVAN先生開始黑，之後就見到每個服務員輪流走過來黑面比我地睇，我地就唔理一直坐，就有一班人企係門口等，呢個時候又有服務員輪流來問要交枱，我扮聽唔到，唔通會踢我走咩，坐到左九點半先走，行出門口果時，完全無一個服務員講任何多謝，嘿。。。。劉德華先生應該來一下食飯，我諗佢要不停咁講果句："今時今日咁既工作態度係未夠架。"
食飯期間反枱速度比茶餐廳仲要快，差在無搭枱出現。
餐廳特色：食品出餐快，枱細，反枱快，不能坐耐傾計。
張貼
