雞仔去骨海南雞專門店

營業中

休息中

番工放lunch 食咩，一向係打工仔一早由10點就開始關心的議題。不過呢間雞仔海南雞就一直係我同事每星期必食！1）雞仔大脾油飯（$65）比起一般去骨海南雞，雞仔大髀肉更嫩滑，而且肯定無骨/無骨碎！油飯油份亦剛剛好，唔會食到成口油，但又夠香。2）口水雞白飯（$57）口水汁夠哂惹味，仲有花生碎+芝麻！如果再多D一定可以送哂D飯。海南雞有一兩舊小碎骨，真係要小心啲食！3）生煎瑤柱鹹魚肉餅油飯（$55）呢款鹹魚肉餅鹹香味夠晒！而且都幾大份，絕對夠送飯。而且煎得唔會過油，非常好！每個午餐都送例湯。如果可以包埋有飲品就更好！而家凍檸茶要加$7先有。不過食物夠好味，能滿足我哋一眾打工仔口腹就得！